Dyshime/ Shpërthen makina e drejtorit të spitalit Universitar të Kosovës

Është dëmtuar nga një shpërthim i dyshuar paraditen e sotme, makina private e drejtorit të Qendrës Klinike Universitare të Kosovës (QKUK), Osman Hajdari. SHSKUK-ja tha se dëmtimi i makinës private ndodhi në kohën kur po bëheshin përgatitjet e mbledhjes së rregullt të Bordit Drejtues të këtij institucioni, “e cila ishte parashikuar të mbahej në hapësirat e administratës qendrore të SHSKUK-së”. Ndërkaq, Shërbimi Spitalor Klinik Universitar i Kosovës (SHSKUK) tha se “dëmtimi ka ndodhur në rrethana ende të panjohura”, ndërsa makina ndodhej në parking. Nga Policia e Kosovës thanë se kanë dalë në vendin e ngjarjes dhe se po trajtojnë rrethanat...