“Dua drejtësi për djalin tim”- Nëna nga Fieri pretendon për dhunë në kopsht: Dyshoj se pamjet filmike janë fshirë!

Një nënë nga Fieri pretendon se djali i saj 4-vjeçar është dhunuar nga edukatorja në kopshtin ku frekuenton. Për herë të parë, ajo ka rrëfyer ngjarjen në emisionin “Në Kohë Reale” në RTSH, duke ngritur pikëpyetje mbi mënyrën se si është trajtuar rasti. Sipas nënës, ngjarja ka ndodhur rreth dy javë më parë, por ajo pretendon se nuk ka marrë asnjë njoftim zyrtar. Ajo thotë se gjatë asaj periudhe djali shkonte në kopsht duke qarë, por në fillim e kishte konsideruar këtë sjellje si një reagim të zakonshëm të fëmijëve. Në dëshminë e saj, nëna tregon se kishte mësuar për ngjarjen përmes informacioneve që lidhen me sanitare​n e kopshtit. Sipas asaj që i është thënë, edukatorja dyshohet se e kishte tërhequr fëmijën nga krahu, e...