Disfata e rëndë në zgjedhjet e 11 majit/ Berisha thërret në takim urgjent drejtuesit politikë, çfarë pritet të ndodhë

Kreu i Partisë Demokratike, Sali Berisha, ka thirrur një takim të jashtëzakonshëm me drejtuesit politik të 12 qarqeve të vendit, që do të mbahet sot në orën 20:30. Takimi vjen pas humbjes së thellë që PD pësoi në zgjedhjet parlamentare të 11 majit, ku siguroi vetëm 50 mandate, duke mbetur rreth 200 mijë vota pas Partisë Socialiste. Në qarqe kryesore si Elbasani, Fieri dhe Vlora, PD nuk arriti të sigurojë të gjithë deputetët në listën e mbyllur, duke thelluar krizën brenda forcës kryesore të opozitës.