Departamenti i Edukimit mbyll një sezon të suksesshëm, Tafaj: Objektivat u realizuan, vlerësime maksimale nga UEFA

Departamenti i Edukimit në Federatën e Futbollit përmbylli një sezon shumë të suksesshëm, duke organizuar me sukses 22 kurse të ndryshme formimi të të gjitha niveleve, me gjithsej 684 të diplomuar. Në një prononcim për fshf.org, specialisti i Departamentit të Edukimit në FSHF, Alban Tafaj, tha se ishte një sezon me objektiva të realizuara dhe vlerësime shumë të mira nga UEFA. “Është një sezon goxha i suksesshëm. Po të llogarisim periudhën maj – qershor, kemi realizuar gati të gjithë objektivat. Kjo ishte një arritje nga ana jonë sepse gjatë këtij sezoni, me mbylljen e UEFA PRO, për 80 orë ndjekje...