‘Çështja ndaj Metës e paragjykuar, dëshirë nga SPAK për ta dënuar/ Abilekaj: Drejtësia, vegël në dorën e Ramës!

Për gazetarin Enton Abilekaj, SPAK asnjëherë nuk ka mundur t’i kopsisë dosjet që ka nën hetim, duke i dërguar të paplota dhe aspak profesionale në GJKKO. I ftuar në edicionin e pasdites në Syri Tv, Abilekaj teksa iu referua vendimit të fundit për shtyrjen e hetimeve për ish presidentin e Republikës së Shqipërisë, Ilir Meta, njëkohësisht president i Partisë së Lirisë, tha se çështja ndaj tij është e paragjykuar nga SPAK. Sipas Abilekajt, më shumë se sa dosje profesionale, hetimet ndaj Metës, janë një dëshirë e SPAK për të dënuar në gjykatë një zyrtar të lartë. Abilekaj është i mendimit se...