Cakiqi ngjit shkallët e boksit botëror me një fitore historike në Potsdam

Në një mbrëmje të ndezur emocionesh dhe lavdie në MBS Arena, boksieri i ri me origjinë shqiptare, Cakiqi, ngjiti një tjetër shkallë drejt elitës së boksit profesionist, duke fituar ndeshjen kryesore të galasë së shtatë ndërkombëtare të Kuc Boxing Promotion dhe duke hyrë në renditjen e 40 më të mirëve në botë për peshat e ulëta.Të shtunën, përballë një publiku të larmishëm dhe një galerie figurash të mëdha të sportit — përfshirë legjenda si Arthur Abraham, Karo Murat dhe Osleys Iglesias — 22-vjeçari Cakiqi përballoi një sfidë të ashpër ndaj boksierit gjerman Justin Schmager në një duel prej dhjetë raundesh...