Zjarre rekord në Belgjikë, digjen 1.600 hektarë, banorët largohen nga banesat! BE dërgon avionë dhe helikopterë

Bashkimi Europian ka dislokuar tre helikopterë dhe dy avionë zjarrfikës për të ndihmuar në përballimin e zjarrit rekord që po përfshin lindjen e Belgjikës, ndërsa autoritetet lokale kanë urdhëruar evakuimin e banorëve në disa zona të rrezikuara. Zjarri në rajonin High Fens, rezervati më i madh natyror i Belgjikës, ka shpërthyer të premten dhe prej atëherë po luftohet nga zjarrfikësit, fermerët dhe ushtria. Deri në mesditën e së shtunës, flakët kishin përfshirë rreth 1.600 hektarë, sipas administratës së rajonit të Valonisë. Kjo e bën atë zjarrin më të madh të regjistruar ndonjëherë në Belgjikë, duke tejkaluar rekordin e vitit 2011, kur u dogjën afro 1.400 hektarë, sipas të dhënave të Sistemit Europian të Informacionit për Zjarret në Pyje. Për shkak të ndryshimit të drejtimit të...