Ukraina pretendon se ka goditur dy rafineri nafte që janë ndër më të mëdhatë në Rusi

Ukraina tha se forcat e saj goditën dy rafineri nafte një natë më parë, të cilat janë ndër më të mëdhatë e Rusisë, në sulmet e fundit me rreze të gjatë veprimi, në të cilat Kievi po thellon presionin ekonomik, ushtarak dhe diplomatik mbi Moskën. Sulmet ukrainase një natë më parë shkaktuan zjarre në rafinerinë Lukoil në rajonin e Permit, më shumë se 1.500 kilometra larg kufirit të Ukrainës, dhe në rafinerinë në Ryazan, rreth 400 kilometra larg kufirit, njoftuan Shërbimi i Sigurisë së Ukrainës dhe Shtabi i Përgjithshëm. Kievi pretendon se dy rafineritë ruse së bashku kanë një kapacitet prodhimi vjetor prej rreth 220 milionë fuçi naftë dhe se ato kontribuojnë shumë në përpjekjet ushtarake të Rusisë dhe në të ardhurat qeveritare në Moskë....