Trazira në Barcelonë gjatë vizitës së Papa Leonit, një burrë vritet jashtë stacionit të policisë

Një alarm u dha të mërkurën (10 qershor) në qendër të Barcelonës, gjatë vizitës së Papa Leoni XIV, pasi një burrë qëlloi për vdekje një person tjetër pranë një stacioni policie dhe më pas u largua nga vendngjarja. Sipas raportimeve të “El País”, ngjarja ndodhi rreth orës 10:00 në rrugën Balmes, një nga zonat më të frekuentuara të qytetit, pranë Avenue Diagonal, përballë një zyre të Policisë Kombëtare ku qytetarët kryejnë procedura të ndryshme, përfshirë pajisjen me dokumente identiteti dhe çështje emigracioni. Pamjet e kamerave të sigurisë kanë regjistruar autorin e dyshuar të krimit, i cili shihej i veshur me pantallona të shkurtra dhe duke mbajtur në dorë një helmetë biçiklete. Pas të shtënave, zona u rrethua menjëherë nga forcat e Mossos d’Esquadra, me mbështetjen...