Thriller në Francë, trupat e pajetë të pesë foshnjave gjenden në kuti kartoni në shtëpinë e një çifti

Një ngjarje e rëndë është zbuluar në qytetin Orange të Francës, ku policia ka gjetur trupat e pesë foshnjave brenda shtëpisë së një çifti. Sipas mediave franceze, duke iu referuar burimeve hetimore, mbetjet e foshnjave janë gjetur në kuti kartoni gjatë një kontrolli në banesën e çiftit. Ngjarja u zbulua një ditë pasi gruaja kishte sjellë në jetë një foshnjë të shëndetshme. Ende nuk janë bërë të ditura rrethanat që çuan policinë drejt kontrollit të banesës. Prokuroria e Carpentras nuk ka dhënë ende një koment zyrtar për rastin, ndërsa hetimet vijojnë për zbardhjen e plotë të ngjarjes. /vizionplus.tv