Rezerva e uraniumit e Iranit mund ta vendosë Kazakistanin në qendër të marrëveshjes bërthamore

Derisa bisedimet për programin bërthamor të Iranit po vazhdojnë, fati i rezervës së uraniumit të pasuruar në shkallë të lartë të Teheranit mbetet një nga çështjet më të vështira për t’u zgjidhur. Para sulmeve ajrore amerikane dhe izraelite ndaj shënjestrave bërthamore të Iranit në qershor të vitit 2025, Agjencia Ndërkombëtare e Energjisë Atomike (IAEA) vlerësoi se Irani zotëronte 440.9 kilogramë uranium të pasuruar në nivelin 60 për qind. Megjithëse ky material nuk konsiderohet i përshtatshëm për armë bërthamore, ai është shumë afër nivelit prej 90 për qind të pasurimit që zakonisht lidhet me prodhimin e armëve bërthamore. Pyetja me të cilën po përballen tani negociatorët është se çfarë duhet të ndodhë me këtë rezervë si pjesë e një marrëveshjeje më të gjerë midis Teheranit dhe...