Muzeu i Boboshticës drejt hapjes, një hapësirë e re për historinë dhe trashëgiminë e fshatit

Punimet për muzeun e ri të Boboshticës kanë përfunduar, duke i dhënë zonës një hapësirë të re kushtuar ruajtjes dhe prezantimit të trashëgimisë së saj kulturore. Projekti është konceptuar duke ruajtur elementet tradicionale të godinës, ndërsa hapësirat e brendshme janë përshtatur për të krijuar një ekspozim bashkëkohor. Përmes objekteve, fotografive, dokumenteve dhe materialeve të ndryshme, muzeu do të sjellë përpara vizitorëve historinë e Boboshticës, jetën e banorëve, traditat dhe zakonet që janë përcjellë ndër breza. Muzeu nuk synon të jetë vetëm një vend ku ruhen dëshmi të së kaluarës. Ai pritet të shërbejë si një hapësirë ku historia e komunitetit lidhet me jetën e sotme të fshatit dhe me potencialin e tij turistik. Ngritja e kësaj hapësire është pjesë e një projekti më të gjerë...