Shembet tavani në repartin e urgjencës së Spitalit të Korinthit, vetëm një muaj pas inaugurimit

Një pjesë e tavanit në Repartin e Ri të Urgjencës (ED) të Spitalit të Përgjithshëm të Korinthit u shemb këtë të martë, vetëm një muaj pasi objekti ishte inauguruar. Fatmirësisht, nga incidenti nuk pati të lënduar, ndërsa asnjë pacient apo punonjës i spitalit nuk u prek. Shembja ndodhi në një hapësirë që pret çdo ditë dhjetëra qytetarë, duke shkaktuar shqetësim të madh te personeli dhe të pranishmit për sigurinë e ambienteve. Reparti ishte përuruar nga ministri grek i Shëndetësisë, Adonis Georgiadis, në kuadër të një projekti të financuar nga Fondi i Rimëkëmbjes, me një buxhet prej 2.6 milionë eurosh, që përfshin edhe Spitalin e Aigios. Gjatë inaugurimit, Georgiadis kishte deklaruar se zgjerimi i repartit, shtimi i shtretërve të reanimacionit dhe modernizimi i pajisjeve do ta bënin...