Serbia pezullon trafikun hekurudhor para protestës së studentëve

Shërbimet  hekurudhore në të gjithë Serbinë u pezulluan sot pak orë përpara një proteste të madhe studentore që pritet të mbahet në Beograd.  Në një njoftim të shkurtër të publikuar në orën 04:15, operatori shtetëror hekurudhor ”Srbija Voz” bëri të ditur se qarkullimi i trenave do të ndërpritej përkohësisht në të gjithë vendin. Kompania nuk dha asnjë shpjegim për këtë vendim. Edhe një punonjës i hekurudhës në sportelin e biletave në qytetin verior kufitar të Subotica nuk ishte në gjendje të jepte arsye për pezullimin. Qeveria serbe ka ndërprerë edhe më parë trafikun hekurudhor përpara protestave studentore. Demonstratat janë pjesë e një lëvizjeje të gjerë protestash që nisi pas shembjes së një strehe betoni në stacionin hekurudhor të Novi Sadit në nëntor 2024, aksident që...