Pekini paralajmëron kundërmasa nëse BE vendos kufizime ndaj kompanive kineze

Kina paralajmëroi sot se do të ndërmarrë kundërmasa nëse Bashkimi Evropian ecën përpara me atë që Pekini e përshkroi si kufizime diskriminuese që synojnë kompanitë dhe produktet kineze, raportoi transmetuesi shtetëror CGTN. Duke folur në një konferencë për media, zëdhënësi i Ministrisë Kineze të Tregtisë, He Yadong iu përgjigj raportimeve se Komisioni Evropian po shqyrton mjete të reja tregtare për të adresuar shqetësimet mbi "kapacitetin e tepërt" industrial kinez. "Nëse i etiketojmë tepricat tregtare si 'kapacitet të tepërt', atëherë a duhet që eksportet e automobilave, farmaceutikës, verës dhe kozmetikës të BE-së të etiketohen si 'kapacitet i tepërt'?", tha ai. Zëdhënësi akuzoi BE-në për aplikimin e standardeve të dyfishta dhe i kërkoi Brukselit të kthehet në dialog dhe konsultim për të zgjidhur mosmarrëveshjet tregtare. "Ne i...