Gjermania thërret ambasadorin rus për “sulmet kibernetike” ndaj vendeve të BE-së

Gjermania të hënën thirri ambasadorin e Rusisë për të protestuar ndaj një serie sulmesh kibernetike kundër institucioneve gjermane dhe vendeve të tjera evropiane që Berlini ia atribuon shërbimeve ruse të inteligjencës. Zëdhënësja e Ministrisë së Jashtme, Kathrin Deschauer, tha se autoritetet gjermane kanë arritur në përfundimin se Shërbimi Federal i Sigurisë i Rusisë (FSB) qëndron pas grupit kibernetik të njohur si Turla, i cili kreu sulme ndaj shteteve anëtare të BE-së dhe Ukrainës. “Ne thirrëm ambasadorin rus në Ministrinë e Jashtme këtë mëngjes për këto aktivitete kibernetike dashakeqe,” u tha Deschauer gazetarëve në Berlin. Ajo tha se hetimet nga agjencitë gjermane të inteligjencës dhe homologët evropianë identifikuan “Qendrën e 16-të” të FSB-së si përgjegjëse. “Bazuar në analiza gjithëpërfshirëse nga agjencitë gjermane të inteligjencës, ne ishim...