Alarmi i UNICEF për Gazën: Kequshqyerja kronike po prek rëndë fëmijët

UNICEF ka evidentuar nivele shqetësuese të kequshqyerjes kronike në Rripin e Gazës, pavarësisht se kequshqyerja akute është konstatuar në nivele relativisht të ulëta. Gjetjet vijnë nga një studim mbi gjendjen ushqimore të popullsisë, i zhvilluar nga 31 maji deri më 15 qershor në zonat e Gazës ku ishte i mundur aksesi. Sipas UNICEF-it, studimi u krye pas një zgjerimi të ndjeshëm të ndihmës humanitare pas armëpushimit të tetorit 2025. Agjencia thekson se rreth 17% e popullsisë së Gazës, ose afërsisht 358 mijë persona, nuk u përfshinë në kampionim për shkak të kufizimeve të aksesit dhe sigurisë. Studimi përshkruan një situatë komplekse ushqimore, ku krahas kequshqyerjes kronike te fëmijët u evidentuan edhe kequshqyerja e nënave, cilësia e dobët e ushqyerjes, praktika jo optimale për ushqyerjen e...