“As kur ka rënë tërmet, nuk është tronditur shtëpia si mbrëmë”/ Banorët flasin për shpërthimin në Elbasan

Shpërthimi në një pallat në lagjen “Partizani” në Elbasan ka tronditur banorët, që tregojnë se shpërthimi ishte i fortë. “23:15 ka qenë ora, as kur ka rënë tërmet nuk është tundur shtëpia ime ashtu. Aq u trembën sa nuk ka ku shkon”, shprehet një dëshmitare. Lënda plasëse ishte vendosur në oborrin e pallatit afër hyrjes së një apartamenti. Ende nuk dihen shkaqet, ndëkrohë që po punohet për të zbardhur dinamikën e ngjarjes dhe po hetohet nga policia dhe prokuroria, e cila ka mbledhur prova të shumta për identifikimin e organizatorit të ngjarjes.