Arrestuar dy herë brenda vitit! Shqiptari në Itali nuk ndalet me trafikun e drogës

Policia italiane ka arrestuar për herë të dytë brenda këtij viti një shqiptar të skeduar për aktivitetin kriminal në trafikun e drogës. Operacioni u krye disa ditë më parë nga karabinierët e Ternit, kurse u arrestuari është një 24-vjeçar, të cilit gjatë kontrollit iu sekuestruan një sasi kokaine prej 40 dozash dhe 4 mijë euro cash. I ndaluar për një kontroll në rrugë në Sabbione, pasi e kishin njohur nga një raport i mëparshëm për posedim dhe trafik droge në muajin prill, kur ishte proceduar, karabinierët vendosën ta kontrollonin personin dhe makinën e tij. Dyzet doza kokaine u gjetën nën dorezën e marshit. Kontrolli u zgjerua në banesën e tij, ku ata sekuestruan edhe 4000 euro në para të gatshme, të ardhurat e trafikimit të drogës, informon media italiane....