Ambasada e SHBA përcjell mesazhin e Marco Rubios: Ata që përfitojnë nga emigrimi masiv janë trafikantët

Të vetmit njerëz që përfitojnë nga emigrimi masiv janë trafikantët. Këtë mesazh ka përcjellë Sekretari i Shtetit, Marco Rubio, i cili është shpërndarë nga faqja zyrtare e ambasadës amerikane në Tiranë. Në mesazhin e tij, Rubio shpreh shqetësimin për fenomenin e emigrimit masiv dhe bën thirrje për parandalimin e tij. Sipas sekretarit të shtetit, emigrimi masiv është trafikim i qenieve njerëzore dhe ata që përfitojnë janë trafikantët. “Ne duam të parandalojmë emigrimin masiv sepse ai i jep shtysë trafikimit të qenieve njerëzore. Në shumë raste, emigrimi masiv është trafikim i qenieve njerëzore. Nuk ka asgjë humanitare, asgjë të dhembshur në...