Sarandë/ Dhunuan shefin e krimeve Mateo Bakalli, arrestohen 6 persona, pezullohen edhe dy efektivë policie

Policia e Sarandës ka vënë në pranga gjashtë persona, ndërsa një tjetër e ka shpallur në kërkim lidhur me konfliktin e sotëm në një lokal në Sarandë, ku është goditur shefi i Hetimit të Krimit të Komisariatit të Policisë, Mateo Bakalli. Mes të arrestuarve është administratori i lokalit ku ndodhi konflikti, 4 roje sigurie dhe një taksist. Një tjetër roje sigurie, 28 vjeç, u shpall në kërkim. Për ngjarjen janë pezulluar nga detyra edhe dy punonjës policie, ndaj të cilëve ka nisur hetim disiplinor. Policia sqaron se rreth orës 03:20, në ambientet e jashtme të një lokali në rrugën “Butrinti”, rojet e sigurisë së lokalit ishin konfliktuar me disa persona, pa njoftuar shërbimet e Policisë. Në atë moment, Bakalli, i cili po kalonte rastësisht me...