‘Rama jepe dorëheqjen’/ Dita e 29-të e revoltës qytetare, nis marshimi në rrugët e Tiranës

Pas disa orësh fjalime, protestuesit kanë nisur marshimin në kuadër të protestës së 29-të, të zhvilluar këtë mbrëmje në Tiranë. Të shoqëruar nga thirrje të vazhdueshme për dorëheqjen e kryeministrit Edi Rama dhe largimin e qeverisë, mijëra qytetarë janë larguar nga bulevardi kryesor duke vijuar lëvizjen nëpër rrugët e kryeqytetit. Si në ditët e mëparshme, itinerari i marshimit po ndryshon çdo mbrëmje. Protesta është karakterizuar nga një pjesëmarrje masive qytetarësh. Pamjet nga terreni tregojnë turma të mëdha protestuesish janë nisur për në rrugët e kryeqytetit, ndërsa thirrjet kundër qeverisë dhe kërkesat për dorëheqjen e kryeministrit dominojnë atmosferën.