‘Punët për Shqipërinë’! Ishte planifikuar sot, Rama shtyn mbledhjen me drejtuesit politikë të PS në qarqe

edi rama TIRANË- Kryetari i Partisë Socialiste, Edi Rama, do të mblidhte këtë të martë drejtuesit politikë të qarqeve në selinë qendrore të PS, në kuadër të turit “Punët e Shqipërisë”, por takimi është shtyrë. Takimi, që pritej të niste në orën 08:30, është pjesë e një serie mbledhjesh të planifikuara për të koordinuar punën në terren dhe për të vlerësuar ecurinë e projekteve në nivel vendor.  Deri më tani nuk dihen detajet për arsyen e shtyrjes, as data e radhës kur do të zhvillohet takimi. Diskutimet do të përqendroheshin tek prioritetet e qeverisë, organizimi i strukturave në qarqe dhe përshpejtimi i realizimit të projekteve infrastrukturore dhe zhvillimore në të gjithë vendin./ZËRI