Pas 48 ditësh në shesh, organizatorët e protestës njoftojnë mbledhjen e parë të “Kuvendit Kombëtar Qytetar”

Organizatorët e protestës që mbahet tashmë prej 48 ditësh në Tiranë, kanë njoftuar se të shtunën do të zhvillojnë mbledhjen e parë të “Kuvendit Kombëtar Qytetar”. Ata ftojnë qytetarët të plotësojnë formularin për aplikimin për pjesëmarrje në këtë Kuvend dhe të bëhen pjesë e mbledhjes. “18 Korrik 2026, ora 12:00, te Hotel Tirana International (15-katëshi) në Tiranë. zhvillohet mbledhja e parë e Kuvendit Kombëtar Qytetar. Pasi të plotësoni formularin, jeni të ftuar të merrni pjesë. Shqipëria e Shqiptarëve!”, shkruan Flora Baba në rrjetin e saj social Facebook.