“Një përçarje që u shtri deri…”/ Rama akuza opozitës për protestat: Edhe kur u ranë pantallonat në fund të këmbëve

Kryeministri dhe kryesocialisti Edi Rama nuk ngurroi të hidhte akuza në drejtim të Partisë Demokratike. Në fjalën e tij me socialistët në Dibër, Rama e cilësoi si forcën politike të shkatërrimit të Shqipërisë. Po ashtu, Rama tha se kjo parti ka qenë gjithmonë mishërim i përçarjes dhe urrejtjes. “Ka qenë gjithmonë e detyruar të përballet me forcën e shkatërrimit. Forcën politike që kur ka pasur në dorë të shkatërrojë Shqipërinë. Edhe kur i kanë rënë pantallonat në fund të këmbëve, prapë do të shkatërrojë fasadën e Kryeministrisë apo kazanët e plehrave të Tiranës. Kanë qenë gjithmonë mishërim i përçarjes dhe urrejtjes”,-tha Rama.