Dhuka i përgjigjet Serbisë për Ibërin: Uji nuk mund të shndërrohet në presion politik

Ministrja e Shtetit dhe Kryenegociatorja e Shqipërisë, Majlinda Dhuka, i është përgjigjur deklaratave të ministrit serb për Integrimin Evropian, Nemanja Starović, në lidhje me Kosovën, lumin Ibër dhe Rezolutën 1244 të Këshillit të Sigurimit të OKB-së. Dhuka ka kundërshtuar interpretimin e Starović për Rezolutën 1244, duke argumentuar se dokumenti nuk rivendosi sovranitetin serb mbi Kosovën, por vendosi administrimin ndërkombëtar dhe krijoi një proces politik për përcaktimin e statusit të saj. Sipas Dhukës, Rezoluta 1244 nuk e paracaktoi rezultatin e këtij procesi. Ajo iu referua gjithashtu opinionit këshillimor të Gjykatës Ndërkombëtare të Drejtësisë të vitit 2010, e cila arriti në përfundimin se deklarata e pavarësisë së Kosovës nuk kishte shkelur të drejtën ndërkombëtare. “E drejta ndërkombëtare nuk bëhet më e leverdishme duke u cituar me zgjedhje”,...