Bardhi: Marrëvshja me SHBA-në nuk na u vu në dispozicion sipas rregullave, por do ta mbështesim

Kreu i Grupit Parlamentar të Partisë Demokratike, Gazment Bardhi, deklaroi se opozita nuk e ka në dispozicion marrëveshjen e huasë me Shtetet e Bashkuara të Amerikës, megjithëse, sipas tij, ajo do të mbështetet pasi parashikon investime në fushën e sigurisë dhe përmbush detyrimet e Shqipërisë në NATO. Gjatë fjalës në Kuvend, Bardhi tha se dokumenti nuk u është vënë në dispozicion sipas procedurave. “Marrëveshjen nuk e disponojmë, nuk na është vënë në dispozicion sipas rregullave. Por marrëveshja është e mirëpritur, sepse Shqipërisë i duhen investime të tilla,” u shpreh ai. Sipas Bardhit, marrëveshja përbën një reagim të vonuar të qeverisë, të cilën e akuzoi se nuk ka përmbushur në kohë angazhimet ndaj Aleancës. “Është reagim i vonuar i një qeverie të papërgjegjshme, që nuk përmbushi...