Nufi blen avionë nga kompania e dënuar për korrupsion, lojëra fjalësh me vendime gjykatash, Ministria e Mbrojtjes…

Ministria e Mbrojtjes, e drejtuar nga Ermal Nufi, është përfshirë në një valë të fortë akuzash për korrupsion pas zhvillimit të procedurës së prokurimit për blerjen e tre avionëve për shuarjen e zjarreve, me një vlerë prej 15 milionë eurosh. Përmes një reagimi zyrtar, ky institucion ka hedhur poshtë pretendimet e medias dhe të Partisë Demokratike, duke këmbëngulur se tenderi është zhvilluar në përputhje të plotë me kuadrin ligjor për prokurimet në fushën e mbrojtjes dhe sigurisë. Sipas ministrisë, gara ka qenë konkurruese dhe fitues është shpallur operatori që paraqiti çmimin më të ulët, ndërsa rivali tjetër u skualifikua për mospërmbushje të kritereve teknike e ekonomike. “Ministria e Mbrojtjes hedh poshtë pretendimet se bëhet fjalë për një “tender të mbyllur” apo për një procedurë të...