Ish-ministri Ilir Beqaj kërkon heqjen e masës së arrestit në burg, sot gjyqi i radhës, zbardhen detajet

Gjykata pritet të shqyrtojë në orën 11:00 kërkesën e ish-ministrit të Shëndetësisë, Ilir Beqaj për shuarjen e masës së sigurisë “arrest në burg”. Sipas gazetares Anila Hoxha, çështja do të shqyrtohet nga gjyqtarja e seancës paraprake, Elsa Ulliri. Kërkesa e Beqajt bazohet në pretendimin për tejkalim të afateve të paraburgimit, duke iu referuar një vendimi njësues që përcakton se, kur gjykata e seancës paraprake kthen një çështje për hetime të mëtejshme, afati i seancës paraprake konsiderohet pjesë e afatit të hetimeve paraprake. Një ditë më parë, gjykata ndryshoi masën e sigurisë edhe për të dyshuarin tjetër, Ermal Kurtulaj, i cili është pjesë e dosjes së SASPAK.