Era ndihmon flakët, zjarri i madh përfshin plazhin e Tales në Lezhë

Një zjarr i madh ka përfshirë plazhin e Tales në Lezhë këtë të diel. Mësohet se vatra e zjarrit u shfaq rreth orës 08:00 të mëngjesit. Sipas informacioneve paraprake, të nxitura nga era e fortë, flakët u përhapën me shpejtësi përgjatë gjithë bregut të mbuluar me kallamishte. Po ashtu, mësohet se pranë vatrës së zjarrit ndodhen edhe disa struktura lokalesh shërbimi, pranë të cilave janë stacionuar shërbimet zjarrfikëse, në rast se situata përshkallëzohet. Deri në këto momente nuk raportohet për dëme materiale apo persona të lënduar.