Aksident në aksin nacional Korçë-Bilisht, makina përplas një person me biçikletë, përfundon në spital

Një aksident është regjistruar në aksin nacional Korçë – Bilisht, në afërsi të fshatit Dishnicë. Një mjet përplas një person me biçikletë. Mësohet se i dëmtuari është dërguar në spitalin e Korçës pasi ka marrë dëmtime në kokë por sipas bluzave të bardha ndodhet jashtë rrezikut për jetën. Policia ndodhet në vendngjarje dhe po bën zbardhjen e rrethanave të aksidentit.