7.7 mln euro për fiskalizimin/ Tenderi në labirint, sistemi shfaq probleme – kush e mirëmban sot?

Një nga sistemet më të rëndësishme dixhitale të shtetit shqiptar, ai që kontrollon faturat dhe transaksionet e bizneseve, ndodhet prej më shumë se një viti në qendër të një procedure prokurimi që ka kaluar nëpër pezullime, ankime dhe rivlerësime. Bëhet fjalë për tenderin e AKSHI-t: “Mirëmbajtje e Modulit të Menaxhimit të Kontrollit të Faturimit për Drejtorinë e Përgjithshme të Tatimeve”. Fondi limit është rreth: 770 MILIONË LEKË PA TVSH ose afërsisht 7.7 milionë euro. Kontrata parashikon mirëmbajtjen e sistemit të fiskalizimit për 24 muaj. Por procedura është hapur që në prill 2025. Dhe historia e saj vazhdon edhe në vitin 2026. SISTEMI QË PREK RRETH 125 MIJË TATIMPAGUES Nuk bëhet fjalë për një program periferik të administratës. Sipas dokumentacionit të procedurës, sistemi ofron shërbime për...