Aksident në Tiranë: Makina përplas dy fëmijë me monopat

Një aksident i rëndë ka ndodhur paraditen e sotme pranë Bulevardit 'Dëshmorët e Kombit', në Tiranë, ku një automjet ka përplasur dy fëmijë që po lëviznin me monopat. Sipas informacioneve paraprake, fëmijët janë dërguar me urgjencë në spital. Ngjarja ka shkaktuar panik te kalimtarët. Policia ka mbërritur në vendngjarje dhe ka nisur hetimet për të zbardhur shkaqet e aksidentit.