Reagon Kryeministri Rama për ndarjen nga jeta të Artan Lames: Jam pa fjalë!

“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit e vajzës së tyre dhe familjes e shokëve të përbashkët”, shkruan kryeministri Edi Rama në një mesazh në rrjetet sociale. Ish-kreu i Kadastrës, Artan Lame, ka ndërruar jetë në Gjermani, pas një ndërhyrjeje në zemër. Artan Lame lindi në vitin 1967. Ai ishte publicist, opinionist dhe koleksionist shqiptar, studiues i historisë shqiptare, veprimtar i shoqërisë civile për mbrojtjen e trashëgimisë kulturore shqiptare. Gjithashtu, veprimtar politik i Partisë Socialiste dhe funksionar shtetëror. Funksionet shtetërore që ka mbajtur: 1999-2000: Drejtor i Trashëgimisë Kulturore në Ministrinë e Kulturës. 2000-2002: Nënkryetar i Bashkisë së Tiranës. 2002-2005: Zëvendësministër i Territorit dhe Turizmit. 2013-2019: Drejtor i Përgjithshëm i ALUIZNI-t...