Gjermania u bën thirrje aleatëve evropianë të rrisin mbështetjen e tyre për Ukrainën

Ministri i Jashtëm i Gjermanisë deklaroi se më shumë vende evropiane duhet të mbështesin “urgjentisht” Ukrainën. Johann Wadephul tha se Gjermania ishte bërë mbështetësja më e madhe e Ukrainës kur bëhet fjalë për ndihmë ushtarake dhe ndihmë të tjera, shkruan Sky News. “Më shumë aleatë në Evropë duhet të ndërmarrin veprime urgjente”, shtoi ai. Wadephul po fliste së bashku me shefin e NATO-s Mark Rutte në Berlin, i cili gjithashtu u bëri thirrje vendeve anëtare të rrisin me shpejtësi shpenzimet dhe prodhimin e mbrojtjes, ndërsa paralajmëroi se blloku ishte “objektivi i radhës i Rusisë”.