Pogradec, dy automjete përplasen “kokë më kokë”/ 3 të plagosur, njëri në gjendje më të rëndë, dërgohet në spital

Një aksident i rëndë rrugor ka ndodhur të premten në Pogradec, në aksin Pogradec-Tushemisht. Dy mjete janë përplasur kokë më kokë me njëra-tjetrën, duke shkaktuar tre të plagosur.  Sipas të dhënave paraprake, njëri prej të plagosurve ndodhet në gjendje të rëndë dhe po transportohet drejt spitalit për ndihmë. Dy personat e tjerë kanë marrë dëmtime më të lehta.  Policia ka mbërritur menjëherë në vendngjarje dhe po punon për sqarimin e shkaqeve të aksidentit, si dhe për menaxhimin e trafikut në zonë.