Shqiponja dykrenore në Xhubletën e malësores, ishte shumë më hershme se sa t’i përkiste flamurit modern shqiptar

Nga Albert Vataj Duke marrë shkas nga një publikim i studiueses Luljeta Dano, ku një seri ornamentesh të Xhubletës vijnë në dritë përmes albumit të saj “Shqiponja dykrenore e Xhubletës”, shqyrtimi i këtij motivi kapërcen kufijtë e etnografisë dhe na fut në zemër të një trashëgimie që është njëkohësisht mit, kujtesë, arkeologji kulturore dhe dëshmi e identitetit të pandarë shqiptar. Xhubleta, një veshje 4 mijëvjeçare e cila sot njihet si një nga artefaktet e rralla të kulturës evropiane parahistorike, nuk është vetëm një objekt muzeor, ajo është alfabeti etnografik i shqiptarëve, një tekst i lashtë i shkruar me simbole që kanë mbijetuar epoka, perandori dhe ndryshime civilizimi.Në këtë alfabet të shenjuar me qëllim dhe simbolikë, shqiponja dykrenore zë vendin kryesor. Ajo nuk kryen rol dekorativ;...