‘AKU e paaftë për të kontrolluar tregun’, Zhupa: Po dëmton fermerët dhe biznesin vendas duke mos gjurmuar abuzuesit

Deputetja e PD, Ina Zhupa, ka vizituar një nga bizneset e grumbullimit dhe shitjes së mandarinave në Mursi, ku ka shprehur mbështetjen e saj të plotë për prodhuesit vendas dhe për sipërmarrjet që punojnë ndershmërisht. Zhupa theksoi se vendi ynë është i bekuar me natyrë të mrekullueshme dhe njerëz punëtorë, por, sipas saj, vuan nga papërgjegjshmëria e institucioneve që nuk arrijnë të mbrojnë interesin e qytetarëve. Ajo ngriti shqetësimin se paaftësia e AKU-së për të kontrolluar tregun dhe për të gjurmuar abuzuesit krijon terren për lajme të rreme dhe godet drejtpërdrejt fermerët dhe bizneset që punojnë me integritet. Gjatë vizitës, Zhupa vlerësoi modelin e suksesit të ndërtuar nga Fatmir Shero me prodhimet e fermerëve të Konispolit, prodhime të cilësisë së lartë, të arritura falë mundit...