Pezullimi i Ballukut, Rama: Gjykatat s’kanë të drejtë të largojnë ministra, absurditet i rrezikshëm, antikushtetues dhe i paprecedent në Europë

Kryeministri Edi Rama ka komentuar sërish vendimin për pezullimin nga detyra të ministres së Infrastrukturës dhe Energjisë, Belinda Balluku. Në podkastin e tij, Rama u mbështet në qëndrimet e Komisionit të Venecias dhe Gjykatës së Strasburgut, duke theksuar se gjykatat nuk kanë kompetencë të pezullojnë një ministër. Sipas tij, një ministër mund të qëndrojë në detyrë, të japë dorëheqjen, të shkarkohet nga kryeministri, ose të largohet vetëm pas një dënimi të formës së prerë. “Prokuroritë dhe gjykatat nuk kanë rol në këtë proces. Asnjëherë dhe askund në Europë,” tha Rama. “Një debat i hatashëm ka mbushur boshllëkun e klubeve mediatike dhe pasqyrave sociale pasi një prokuror dhe një gjykatës kokë më kokë pezulluan një anëtar të kabinetit qeveritar. Nuk dua të hyj në debat për...