Trump reagon pas bisedës së publikuar mes të dërguarit të tij dhe zyrtarit rus: Witkoff po bënte gjënë e duhur, të ‘shiste’ planin e paqes te Moska dhe Kievi

Presidenti amerikan Donald Trump ka mbrojtur të dërguarin e posaçëm Steve Witkoff, duke thënë se ai po bënte “gjënë standarde”, pasi një regjistrim i publikuar duket se e tregon atë duke këshilluar një zyrtar rus se si t’i drejtohej presidentit. Trump u tha gazetarëve të mërkurën se nuk e kishte dëgjuar audion, por se Witkoff po bënte “atë që bën një negociator” për të “shitur” planin e paqes si te Rusia, ashtu edhe te Ukraina. Telefonata e publikuar nga muaji i kaluar doli në dritë disa ditë pasi një draft-plani paqeje me 28 pika i paraqitur nga SHBA-ja përputhej kryesisht me pozicionet ruse mbi luftën e saj të plotë në Ukrainë. Witkoff ka vizituar disa herë Moskën këtë vit dhe javën e ardhshme do të...