Atentat ndaj një makine në qendër të Lushnjes, gjendet i djegur mjeti i autorëve

Të shtëna me armë zjarri janë raportuar këtë të martë në qytetin e Lushnjës. Nga të dhënat e para dyshohet se është qëlluar ndaj një automjeti në kryqëzimin e spitalit. Mësohet tre persona kanë qëlluar drejt një automjeti në lëvizje, megjithatë ende nuk dihet nëse ka persona të plagosur. Ndërkohë sipas informacioneve paraprake, një mjet është gjetur i djegur në fshatin Lifaj. Në vendngjarje, policia ka gjetur disa gëzhoja.