Moti i keq mbërthen vendin/ Trageti i linjës Brindisi-Vlorë nuk ankorohet në port, shkak erërat e forta dhe dallgat

Trageti i linjës Vlorë-Brindisi mëngjesin e kësaj të martë nuk ka mundur dot të ankorohet për shkak të erërave të forta dhe dallgëve të larta, si dhe rrezikut të përplasjes me kalatën e portit të Vlorës. Prej më shumë se tre orë e gjysmë, trageti vijon të qëndrojë në radë, pra në det të hapur. Ndërkohë që lundrimi detar vijon të mbetet pezulluar për të gjitha mjetet e vogla lundruese dhe ato të peshkimit duke nisur nga mbrëmja e së dielës deri ditën e mërkurë. Vendi është përfshirë nga moti i keq, teksa sipas parashikimeve, kjo javë do të sjellë reshje të dendura shiu.