Ish-deputeti i PS-së tregon kush ishte Gilmando Dani: Një njeri i qetë dhe i edukuar

Ish deputeti i Partisë Socialiste, Halit Valteri flet për tragjedinë në Rinas, ku u vra Gilmando Dani dhe mbeti i plagosur, Muçi Shaljani. Valteri përmes një postimi në mediat sociale ka treguar se e njihte viktimën që në fëmijëri dhe se ai ishte ndryshe nga çfarë po thuhet ditët e fundit. Sipas ish-deputetit socialist ai ishte një njeri i qetë dhe i edukuar. ”Unë e njihja Gilmando Danin. Jetonim në të njëjtën lagje që kur isha fëmijë. Ai nuk ishte njeriu që po përshkruajnë sot. Gilmando ishte i qetë, i edukuar, i respektuar dhe i dashur me të gjithë. Ishte një djalë që të gjithë e respektonin, jo nga frika, por për atë që ai përfaqësonte: dinjitet, kulturë dhe njerëzi”,-shkruan Haliti.