Uji vërshon nëpër qytetin e gurtë, vështirësi për të qarkulluar në Gjirokastër

Reshjet e gati 24 orëve të fundit kanë krijuar jo pak probleme në vendin tonë, kryesisht në jug të vendit. Në Gjirokastër si pasojë e reshjeve, uji ka vërshuar nëpër rrugët e qytetit të gurtë, duke vështirësuar edhe qarkullimin e automjeteve. Siç shihet nga pamjet, uji ka vërshuar në mes të qytetit të Gjirokastër, ndërsa qytetarët e kanë pasur të pamundur të lëvizin, pasi prurjet e ujit kanë qenë në sasi të mëdha.