Pak ditë para ndeshjes vendimtare të Kombëtares, shiten të gjitha biletat Andorra –Shqipëri

Vetëm disa ditë para ndeshjes me Andorrë, Federata Shqiptare e Futbollit ka dhënë njoftim të rëndësishëm për tifozët. Departamenti i Komunikimit në FSHF bën me dije se të gjitha biletat e vëna në dispozicion për tifozët shqiptarë në stadiumin ku do të luhet ndeshja Andorra – Shqipëri janë shitur. Kjo ndeshje është e vlefshme për kualifikueset e Kupës së Botës 2026. Kombëtarja shqiptare renditet aktualisht në vendin e dytë me 11 pikë. Takimi do të zhvillohet më 13 nëntor, në orën 20:45, në stadiumin “FAF” të Andorrës.