“Prit t’i çoj fjalën atij kurvës!” / Komunikimet e Ballukut, Lubonja: Janë si bandë injorantësh! Banalitet i frikshëm

Analisti Fatos Lubonja ka komentuar zbardhjen e bisedave mes zv.kryeministres dhe ministres së Infrastrukturës, Belinda Balluku me ish-drejtorin e ARRSH-së, Evis Berberi, pasi ajo është marrë si e pandehur nga SPAK për çështjen e tenderit të tunelit të Llogarasë. Lubonja e cilësoi gjuhën dhe sjelljen e Ballukut në këto komunikime si “diskredituese” dhe si një “banalitet i frikshëm”. “Ngjarja që ka ndodhur, gjuha që ka përdorur Balluku në ato regjistrime dhe ato hapat që kemi parë të hidhen me drejtorin e vete dhe me atë tjerët që përmend dhe u vë pseudonime që nuk po i gjejmë kush janë, njëri është Edi Rama, po ai palloshi tjetër nuk e di kush është. Janë shumë diskredituese për këtë parti që pretendon që është më e mirë...