Mediat botërore për Serbinë: Tensionet politike po vlojnë, nuk ka ‘heshtje të vdekur’ në vendin e trazuar

Shumica e mediave më me ndikim në Evropë kanë raportuar gjerësisht për tubimin përkujtimor të mbajtur më 1 nëntor në Novi Sad, si dhe për ngjarjet e tensionuara që pasuan një ditë më vonë para Asamblesë Kombëtare në Beograd. Gazeta franceze Le Monde shkruan se tensionet politike në Serbi po ziejnë pas një viti të tërë protestash antiqeveritare. “Qindra policë të trazirave ndanë kundërshtarët dhe besnikët e presidentit autokrat Aleksandar Vuçiç të dielën, më 2 nëntor, ndërsa tensionet politike u përshkallëzuan pas një viti protestash të vazhdueshme”, raporton Le Monde. Sipas gazetës, mijëra qytetarë qëndruan përballë njëri-tjetrit të ndarë nga kordone policie. “Tensionet në Beograd u rritën një ditë pasi dhjetëra mijëra njerëz u mblodhën në Novi Sad për të shënuar përvjetorin e parë të...