Kriptomonedhat bien gjatë fundjavës ndërsa administrata Trump dërgon sinjale të paqarta për tarifat

Bitcoin ra me 2 përqind ditën e Dielë ndërsa asetet dixhitale po përpiqen të rikuperojnë përballë sinjaleve të paqarta të politikës tregtare të Uashingtonit me Kinën. Çmimi i kriptomonedhës më të madhe në botë ra në 83,482 dollarë gjatë orëve të para të tregtimit në Azi duke humbur kështu fitimet e gjeneruara javën e kaluar. Ethereum, kriptomonedha e dytë më e madhe në botë, ra nën 1,600 dollarë ndërsa altcoin-et patën rezultate të ndryshme sipas të dhënave të CoinGecko. Rënia erdhi pas një fundjave tjetër turbullirash nga administrata Trump, nëse pajisjet elektronike prodhuar në Kinë, përfshirë smartfonët, gjysmëpërçuesit dhe laptopët do të përballen me tarifa të reja. Mbrëmjen e së Dielës Trump postoi në rrjetin social Truth duke qartësuar se pajisjet elektronike ishin përjashtuar nga...