Pas grabitjes prej 102 mln dollarë, Luvri zhvendos xhevahiret e kurorës në kasafortën e Bankës së Francës

Muzeu i Luvrit PARIS-Muzeu i Luvrit ka zhvendosur disa nga thesaret e tij më të vlefshme në Bankën e Francës, pas grabitjes së guximshme gjatë ditës së javës së kaluar, e cila nxori në pah mangësi të mëdha sigurie në muzeun e famshëm botëror. Transferimi i pjesëve të zgjedhura nga Galeria Apollo e muzeut, e cila strehon xhevahiret e kurorës së Francës u zhvillua të premten nën eskortë të fortë policore. Banka e Francës, e vendosur vetëm 500 metra nga Luvri në bregun e djathtë të Senës, mban rezervat e arit të vendit në një kasafortë të fortifikuar 27 metra nën tokë.