Aksident tragjik në ajër/ Avioni rrëshqet nga pista dhe përfundon në det, dy persona humbin jetën

Një avion është përfshirë në një aksident të rëndë në aeroportin ndërkombëtar të Hong Kongut, pasi rrëshqiti nga pista dhe ra në det gjatë uljes në orët e para të mëngjesit të së hënës. Ngjarja ndodhi rreth orës 03:50, kur avioni Boeing 747, i operuar nga kompania turke ACT Airlines dhe i marrë me qira nga Emirates, po vinte nga Dubai. Sipas autoriteteve, dy persona që ndodheshin në një automjet të shërbimeve tokësore humbën jetën, ndërsa katër anëtarët e ekuipazhit u shpëtuan dhe u dërguan në spital. Emirates sqaroi se fluturimi EK9788 ishte një “wet lease”, që do të thotë se ekuipazhi, mirëmbajtja dhe sigurimi ishin përgjegjësi e ACT Airlines. Sipas njoftimeve, avioni nuk mbante ngarkesë në bord në momentin e aksidentit. Pamjet e publikuara...